Giduso sa House of Representataives ang usa ka balaodnon aron madugangan ang diskwento nga madawat sa mga senior citizen sa nasud.
Kini ang House Bill No. 5187 o ang gisugyot nga Expanded Senior Citizens Act of 2010, nga giduso ni Senior Citizens Party-list Representative Rodolfo Ordanes, nga nagtumong sa pagdugang sa mga benepisyo sa mga senior citizen samtang sila magkatigulang.
Ang balaodnon nagsugyot nga dugangan og singko porsyento (5%) ang kasamtangang 20-porsyento nga diskwento sa senior citizen sa matag dugang napulo ka tuig o dekada sa edad, sugod sa edad nga 70.
Kung mapatuman ang balaod, ang diskwento sa senior citizen motaas ngadto sa 25%.
Gipasabot sa magbabalaod nga samtang magkatigulang ang mga senior citizen, ang ilang mga gasto sa pag-atiman sa panglawas, mga tambal sa maintenance, ug mga gasto sa adlaw-adlaw nga panginabuhi motaas pag-ayo, samtang ang ilang kapasidad sa kita padayon nga mokunhod.
Gipasiugda ni Ordanes nga ang gisugyot nga graduated discount system nagtumong sa paghatag og dugang nga pinansyal nga tabang sa mga senior citizen sa panahon nga ilang gikinahanglan .
