CEBU CITY-Sayop matu pa ang pagtoo nga ang mga e-cigarette o vape walay nicotine.
Kini ang gibutyag ni Dr. Rene Josef Bullecer kinsang usa usab ka Human Life International Advocate. Gitataw hinoon ni Bullecer nga 60% ngadto sa 80% lang ang nicotine niini.
Dason pa sa doktor nga ang vape mas maka-adik kini itandi sa sigarilyo kung diin mas maka-engganyo kini gumikan sa mga flavors ilabi na ngadto sa mga kabatan-onan.
Bisan paman og wala matud pay ‘findings’ ang Department of Health (DOH) dinhi sa Pilipinas, apan sa gawas sa nasud aduna nay daghang nangasakit gumikan sa vaping. Dugang pa, nga sayop usab ang pagtuo nga mas maayo kini gamiton itandi sa sigarilyo gumikan kay pareho lang kining makadaot.
Ang ‘content’ matud pa niini nga maoy mupa-aso ang muabot sa baga. Gani mas daghan pa ang chemical element niini nga musulod sa baga itandi sa sigarilyo. Apan giklaro ni Bullecer nga mas daghan gyud ang nangasakit gumikan sa sigarilyo.
Usa sa mga sakit nga makuha sa vape mao ang allergic reaction gumikan sa element niini nga musulod sa baga. (Lahvi Quiñones)
