Gibisita ni Vice President Sara Duterte ang mga biktima sa midahili nga landfill sa Brgy. Binaliw nga kasamtangang gitambalan sa VisayasMed Hospital sa Dakbayan sa Sugbo
Kini human sa makagun-ob nga nahitabo sa dakbayan sa Sugbo niadtong Huwebes, uban sa 110 ka mga trabahante nga anaa sa lugar niadtong higayona.
Ingon man nga daghang mga istruktura ug pasilidad sulod sa landfill ang nadaot atol sa pagkahugno.
Misaka usab sa upat ang ihap sa mga namatay tungod sa pagkahugno sa landfill sa sentro sa Pilipinas, matod sa usa ka opisyal niadtong Sabado, samtang nagpadayon ang mga paningkamot sa pagluwas sa dose-dosenang mga wala pa mailhi.
Mipadayag og pahasubo ang Bise Presidente ngadto sa mga pamilya ug mga higala sa nawad-an sa ilang mga minahal sa kinabuhi, ingon man nga nanghinaot kini nga magpabilin sila nga magpakalig-on taliwa niining mga katalagman.
Samtang, labing menos 6 ka tawo na ang gitaho nga namatay sa dakong pagkahugno sa basura sa Binaliw Landfill, samtang pa gihapon ang padayon nga gipangita.
Gibanabana nga 50 ka mga sanitation worker ang nalubong nga gibanabana nga katumbas sa 20 ka andana sa pribadong landfill nga gidumala sa Prime Integrated Waste Solutions.
