Giawhag ni Manila 6th District Rep. Benny Abante si Bise Presidente Sara Duterte nga motestigo atubangan sa House of Representatives ‘under oath.’
Kini aron matubag sa bise presidente ang tanang mga pasangil batok kaniya, tungod kay matod sa House Justice Committee mao ang hustong forum aron suklan ang maong mga pasangil.
Gipasalig ni Abante nga ang komite dili gusto nga konbiktahon ang bise presidente o moingon nga siya sad-an, ug hinoon gusto lang niini nga mahibal-an ang kamatuoran luyo sa mga pasangil nga gihimo batok kaniya.
Dugang usab pa sa magbabalaod, kini ang oportunidad ug ang hustong forum alang kang VP Sara aron matubag ang mga pasangil ug atubangon ang iyang mga akusado sama ni Ramil Madriaga, kinsa nagpaila sa iyang kaugalingon nga iyang kanhing bagman.
Ingon man nga nipasalig ang magbabalaod nga maminaw sila sa tanan nga isulti ni VP Sara ug hatagan usab sila og higayon nga ipresentar ang iyang bahin.
