Posibleng manubag si Bise Presidente Sara Duterte sa mga kalapasan sa Anti-Terrorism Act, usa sa mga balaod nga gipirmahan sa iyang amahan nga si kanhi Presidente Rodrigo Roa Duterte niadtong 2020 tungod sa iyang hulga sa kinabuhi ni Presidente Ferdinand “Bongbong” R. Marcos Jr., First Lady Liza Araneta-Marcos, ug Speaker Ferdinand Martin G. Romualdez.
Ang hulga ni VP Sara nga giimbestigahan na sa National Bureau of Investigation (NBI) ug usa sa posibleng kasoh niini mao ang Anti-Terrorism Act.
Gisaway usab ni House Assistant Majority Leader ug Zambales Rep. Jay Khonghun nga ang mga pamahayag ni Duterte nga ang katuyoan sa mga lakang sa awtoridad mao ang pag-freeze sa iyang mga kabtangan ug itandi kini sa nahitabo ni kanhi Negros Oriental Rep. Arnolfo Teves Jr. nga gitawag niini nga “Arnie Teves playbook.
Gitataw ni Khonghun nga ang nahitabo kang Duterte resulta sa iyang binuhatan ug dili sa gobyerno.
Nipasangil si Duterte nga dili na bag-o ang mga estilo sa pag-freeze sa iyang mga kabtangan susama sa mga taktika nga gigamit batok kang kanhi Negros Oriental Rep. Arnolfo “Arnie” Teves Jr., kinsa gipasakaan og kasong terorismo, nga matod niya kabahin sa “dakong plano” batok kaniya.
Gipanghimakak usab ni House Deputy Majority Leader ug La Union Rep. ang pamahayag ni Duterte nga nag-ingon nga siya ra ang sad-an sa iyang gibuhat.
Iyang gipasiugda ang kabug-at sa giingong hulga ni Duterte batok sa mga dagkong opisyal, apil na si Presidente Marcos.
Gisugdan na sa NBI ang imbestigasyon sa mga pamahayag ni Duterte, nga posibleng paglapas sa Anti-Terrorism Act.
Gisusi sa ahensya kung ang iyang mga pahayag makonsiderar nga grabe nga hulga sama sa gipasabut sa balaod.
Gipunting ni Khonghun ang kamahinungdanon sa angay nga proseso, ug giingon nga ang mga ahensya sama sa Department of Justice (DOJ) ug NBI kinahanglan nga maghimo usa ka hingpit nga imbestigasyon sa mga aksyon ug pamatasan sa Bise Presidente.
Gitataw niya nga kung adunay malapas, kinahanglan nga himuong legal nga aksyon.
Ang mga pamahayag sa mga magbabalaod nunot sa nagpadayong imbestigasyon kalabot sa giingong sayop nga paggamit ni Duterte sa confidential funds nga mikabat sa P612.5 milyones ug mga hulga batok sa mga dagkong opisyal sa gobyerno.
