“Gipahigayon ang tanan,” susama sa public hearing nga gipahigayon sa bukirang barangay sa Sugbo Barangay Guba, inubanan sa mga eksperto sa Department of Energy (DOE), Department of Agriculture (DA), Department of Health (DOH), Department of Science and Technology (DOST), ingun man ang sakop sa Department of Interior and Local Government (DILG), nga nagtumong sa pagpasabot sa mga hagit sa WTE Facility.
Mao kini ang nahimong pagsaysay ni Cebu City Councilor Joel Garganera atol sa ekslusibong pagkuha sa Bombo Radyo Cebu team sa iyang habig.
Subay niini, gipaambit ni Garganera nga nadungong niya ang mga yangungo ug kabalaka sa mga residente sa Brgy. Guba, ingun man nga nakita niya nga taas pa ang latasonon nga dalan una pa maabot sa gi-proposed nga lokasyon kung asa ipahamtang ang WTE Facility.
Gani, napunting usab sa konsehal ang nahimong kadaot nga gibilin sa Bagyong Tino nga nagbunga sa mga perti kaguba nga dalan, tungod sa mga nangahun-ag ingun man landslide nga nitumaw, hinungdan nga ultimo paglabay og basura sa Brgy. Binalaw nakahimamat og kalisud tungod sa pagkaguba sa imprastraktura.
Dugang niya nga bisan paman sa tanang effort ug pagkugi nga hingpit nga mapatuman kining proyekto, apan klaro ug tataw nga nagpatigbabaw ang kabalaka sa panglawas ug
agrikultura sa Brgy. Guba, hinungdan nga dili hingpit nga ma implementar ang maong sugyot nga WTE Facility.
Subay niini, mapasalamaton si Garganera sa mga katawhan sa Brgy. Guba inguna man sa
