CEBU-Gikompirmar sa Philippine Atmospheric, Geophysical and Astronomical Services (PAGASA) Mactan Station ang pagkakita sa usa ka waterspout sa Mactan Channel niadtong Biyernes sa hapon, Agosto 23, 2024.
Sa video kuha sa usa ka netizen diin makita ang inisyal na pagporma sa usa ka waterspout.
Maayo na lang, ang panghitabo napakyas sa pagkab-ot sa maximum potential niini.
Ingon man nga si Joseph Merlas, weather specialist sa PAGASA-Mactan, nipasidaan sa mga mananagat nga likayan ang pagdoul sa usa ka waterspout kunghigayon maporma kini aron malikayan ang mga disgrasya.
Dugang pa ni Merlas nga ang pagporma sa mga waterspouts adunay kalambigitan sa mga thunderstorms nga makadala ug kusog nga ulan ug kusog nga hangin.
Ingon man nga maporma kini kung ang bugnaw nga hangin gikan sa yuta mahiusa sa hangin gikan sa ibabaw, nga giila usab nga wind shear.
Hinuon sa klima sa Pilipinas, ang waterspout molungtad lang sa pipila ka mga segundos.
