Nipasidaan ang World Health Organization (WHO) sa posibilidad sa kaylap nga outbreak sa chikungunya virus, nunot sa pagdagsang sa mga kaso sa pipila ka nasod karong tuiga.
Matod ni Dr. Diana Rojas Alvarez, nakita nila ang susamang mga pasidaan niadtong 2004-2005, diin ang chikungunya nataptan sa halos tunga sa milyon ka tawo sa tibuok kalibotan.
Sumala sa WHO, ang mga kaso sa sakit nagsugod na sa pagbalik sa mga isla, sama sa Reunion, Mayotte, ug Mauritius.
Ang chikungunya usa ka sakit nga dala sa lamok nga maoy hinungdan sa hilanat ug grabeng kasakit sa lutahan, ug mahimong makamatay sa pipila ka mga kaso.
Sa pagkakaron, ang sakit natala sa 119 ka nasod.
Hinungdan nga nanawagan ang WHO alang sa dinalian nga aksyon aron mapugngan ang pagkaylap sa naasoy nga sakit.
