Wala masuspenso ang world number 1 tennis player nga si Jannik Sinner bisan og kaduha siya napositibo sa paggamit og illegal substance.
Gipasabot sa International Tennis Integrity Agency (ITIA) nganong wala nila suspindihon ang world number 1 nga si Jannik Sinner human siya nagpositibo sa gidili nga substance.
Matod sa ITIA nga wala nila makita nga nagpabaya ang French tennis star bisan pa nga positibo siya sa Clostebol nga anabolic steroid.
Ang resulta unang gipagawas niadtong Marso 10 human sa Indian Wells tournament.
Human sa walo ka adlaw, nangolekta na usab sila og mga sample ug nigawas nga positibo apan ubos ra ang lebel karon.
Giingong nakuha niya ang positibo pinaagi sa kontaminasyon sa tambal sa iyang physiotherapist.
Giingong gitambalan siya sa physio ni Sinner og over the counter spray sa iyang panit tungod sa gamay nga samad.
Ila usab nga giklaro nga human sa pagluwat sa test, gipahamtangan nila kini og automatic provisional suspension apan miapelar si Sinner ug ilang naamgohan nga nataptan o kontaminado lang siya sa iyang fitness trainer maong nipadayon siya sa pagdula.
Mipasalig si Sinner nga kini hugot nga mosunod sa bisan unsa nga idiktar sa balaod ngadto sa tennis community.
Si Sinner nakadaog na og lima ka titulo karong season diin niadtong Enero siya nakadaog sa Australian Open ug karong Hunyo misaka ang iyang ranking ngadto sa numero 1.
