Gipahigayon karong adlawa ang Wreath Laying Ceremony subay sa pagsaulog sa 89th Charter Day sa Dakbayan sa Sugbo, Pebrero 24, 2026.
Sa maong selebrasyon, gisugdan kini og santos nga misa, isip paghatag og timaan sa pagsugod sa maong dakong kasaulogan, ingun man nga lakip sa mga mitambong mao ang mga trabahante sa Cebu City Hall.
Apan, gawas sa mga trabahante sa Cebu City Hall, anaa usab ang presensya sa mga nagkadaiyang uniform personnel sama sa Philippine National Police (PNP), Philippine Marines, Bureau of Jail and Management Penology (BJMP), Bureau of Fire Protection (BFP), Cebu City Transportation Office (CCTO), ug uban pa.
Anaa usab ang mga konsehalas sa Dakbayan sa Sugbo bisan paman nga dili kini kompleto, sama nila ni Cebu City Counilor Mikel Rama, Cebu City Counilor Francis Esparis, Cebu City Counilor Winston Pepito, Cebu City Counilor Sisinio “Bebs” Andales, Cebu City Counilor Paul Labra, ug ingun man ang pangu sa Sugbo nga si Cebu City Mayor Nestor Archival.
