SOUTH KOREA-Napakyas ang kapulisan sa South Korea sa ilang pagsuway sa pagdakop kang South Korean President Yoon Suk-yeol sa iyang presidential residence sa Seoul.
Kini human sa standoff tali sa arrest team ug sa presidential security team ni Yoon nga milungtad og halos 6 ka oras.
Nagtapok usab ang mga tigpaluyo ni Yoon duol sa pinuy-anan sa presidente aron babagan ang pagdakop kaniya.
Matod sa Corruption Investigation Office (CIO) nga maoy nangulo sa hiniusang imbestigasyon batok kang Yoon, wala sila makasilbi sa warrant of arrest human sila ma-intercept sa 200 ka mga sundalo ug presidential security personnel, basi sa taho.
Dugang pa, kapin sa 10 ka mga bus ug mga depasaherong sakyanan ang mibabag sa dalan paingon sa pinuy-anan sa presidente, hinungdan nga dili na sila makasulod sa building.
Subay niini, matud sa usa ka imbestigador sa CIO, nagdesisyon sila nga suspendihon ang pag-isyu sa warrant of arrest kay Yoon nunot sa safety concerns.
Gitug-an usab sa maong buhatan nga adunay mga menor de edad ug dagkong panaglalis nga nahitabo samtang ilang gisulayan pagdakop si Pres. Yoon.
Samtang, kung gikinahanglan, ang mga imbestigador adunay kapilian sa paghangyo og extension o pag-isyu pag-usab sa warrant.
