Zelensky, nanawagan sa mga kaalyadong nasud nga paspasan ang suplay sa mga armas

UKRAINE-Nanawagan na usab si Ukrainian President Volodymyr Zelensky sa mga kaalyadong nasud niini nga paspasan ang pagpadala sa mga armas.

Kini human sa pag-atake sa missile sa Russia sa lungsod sa Vilniansk sa habagatang rehiyon sa Zaporizhzhia nga nakapatay sa pito ka mga tawo lakip ang mga bata ug nakaangol sa 31 pa.

Gitino ni Zelensky nga importante nga mapadali ang suplay sa armas samtang ang Russia mikusog sa ilang opensiba batok sa Ukraine.

Sa labing bag-o nga pag-atake, daghang mga building ug mga balay ang nakaangkon og dakong kadaot.

Kahinumduman sa makadaghang higayon nga nanawagan siya sa mga kaalyadong nasud sa paghatag og armas.