PINAMUNGAJAN, CEBU-Natagak sa pangpang ang usa ka mini dump truck human kini nagsubay sa kadalanan sa Purok Maria Clara, Barangay Lamac, lungsod sa Pinamugajan sa kasadpang bahin sa probinsya sa Sugbo.
Nahitabo ang maong aksidente niadtong ala 1:30 sa hapon adlaw sa Sabado, Agosto 17, 2024.
Gilangkoban kini sa siyam ka mga sakay dala sa drayber nga giilang si Michael Bastida kinsa residente sa Media Once, dakbayan sa Toledo.
Giila ang mga pasahero nga sila Jerome Pasignasigna, Junrey Pasignasigna, Randy Pasignasigna, Juriden Pasignasigna, Josephen Bonbon, Ian James Verano, Jimmy Gasper, ug Lance Balocos Casana nga pulos mga lalaki, hingkod ang panuigon ug mga trabahante sa usa ka construction company.
Subay sa imbestigasyon sa sa kapulisan sa maong lungsod pinaagi ni Police Staff Sergeant Christian Ortega nga nagsubay
ang maong sakyanan gikan sa Linao Cantabaco, dakbayan sa Toledo diin ang byahe padulong sa lungsod sa Dumanjug.
Apan sa habig sa drayber human kini nagmaneho sa dulhugon nga kurbada nga dalan sa naasoy nga lugar, nawad-an kini og brake hinungdan nga natagak sa pangpang ug nabalit-ad.
Daling gidala sa tambalanan ang mga biktima sa Pinamugajan District Hospital apan ang kauban nila si Jerome nakabsan sa kinabuhi kini gideklarar nga dead-on-arrival.
Mag-atubang sa kasong reckless imprudence resulting to homicide ang drayber og ang sakyanan nahiaguman ug wala matino nga baybayon sa kadaot.
