10 ka bag-ong nahimugso nga bata, namatay sa sunog sa ospital sa India

UTTAR PRADESH-Patay ang labing menos 10 ka mga bag-ong nahimugso nga bata human miulbo ang usa ka sunog nga nahitabo sa neonatal intensive care unit sa ospital sa amihanang India.

Sumala sa mga opisyal, ang kalayo dali nga mikaylap sa ospital nga nahimutang sa Jhansi City, Uttar Pradesh.

Ang nasangpit nga ward adunay 55 ka mga masuso nga gipailalom sa pagtambal.

Gawas sa gideklarar nga namatay kay labing menos 45 ka masuso ang naluwas samtang 16 ang naangol.

Sa pagkakaron, nagpadayon ang imbestigasyon sa mga otoridad sa maong insidente.