GUANGDONG, CHINA-Giisip nga usa ka blessing ang nitubo nga sungay sa agtang ni Lola Chen nga maoy naghatag kaniya og taas nga kinabuhi.
Si Chen kay nag-edad og 107-anyos ug nagpuyo sa Guangdong, China.
Daghang mga netizens ang niingon, dili angay tangtangon ni Lola Chen ang iyang longevity horn kay basin kini maoy sekreto sa iyang taas nga kinabuhi samtang ang uban nagtandi kaniya sa usa ka Unicorn.
Gipasalig ni Lola Chen nga walay epekto sa iyang panglawas ang nahisgutang sungay.
Samtang, kini nga kaso ni Lola Chen dili na bag-o gumikan niadtong 2019 adunay usa usab ka 74-anyos nga lalaki gikan sa India, si Shyam Lal Yadav, nga adunay susamang kahimtang ni Lola Chen.
Upat ka pulgada usab ang gitas-on niini apan mitubo kini sa iyang hubon ug mas dako usab ang diameter niini kon itandi sa tiguwang.
