Mokabat sa 117 ka mga Filipino gikan sa Makati City Office ang nag-atubang karon og kasong may kalabotan sa Data Privacy Act human gi-raid sa Presidential Anti-Organized Crime Commission (PAOCC) ang opisina niini.
Matod sa PAOCC, nahibaw-an sa mga awtoridad nga ang buhatan, nga giingong nagsilbi nga hub sa daghang serbisyo sa aplikasyon sa pagpautang ug naghasi sa mga nangutang.
Sa 131 ka mga trabahante nga ubos sa kustodiya sa PAOCC, 14 ang miuyon nga mahimong saksi sa korte ug mosaksi sa mga transaksyon nga nahitabo sulod sa hub.
Gumikan niini, ang 14 ka mga trabahante ma-clear sa mga kaso nga ilang giatubang samtang ang uban moatubang sa piskalya aron sa pagtino kon sila manubag o dili.
Samtang, ang mga nadakpan kay magpabilin sa kustodiya og pasakaan og tukmang kaso samtang ang PAOCC ug National Bureau of Investigation (NBI) padayon sa ilang imbestigasyon alang sa posibleng koneksyon sa Philippine Offshore Gaming Operations (POGO).
