12 ka pasahero naangol sa dihang naigo sa turbulence ang Qatar Airways gikan sa Doha

Nakaangol og 12 ka mga pasahero nga sakay sa Qatar Airways gikan sa Doha, paingon sa Ireland human nga nakasinati og severe turbulence ang maong eroplano.

Ang nasamdan naglakip sa unom ka mga crew sa cabin ug unom ka mga pasahero.

Ug gikataho sa mga awtoridad sa tugpahanan nga ang Flight QR017, usa ka Boeing 787 Dreamliner, luwas nga mitugpa basi sa naka-iskedyul niini.

Dugang sa Dublin Airport nga sa dihang pag-landing, ang eroplano gisugat sa mga emergency services, lakip na ang airport police ug ang fire and rescue department, tungod sa unom ka mga pasahero ug unom ka tripulante nga sakay sa pag-report sa mga kadaot human ang eroplano nakasinati og turbulence samtang naglupad ibabaw sa Turkey.