CEBU CITY-Anaa sa 123 ka mga empleyado sa kagamhanang dakbayan sa Sugbo ang hatagan sa bilihong pag-ila sa umaabot nga Labor Day sa Mayo 1, 2025.
Kini ang gipahibalo sa kagamhanang dakabayn pinaagi sa buhatan sa Cebu City Human Resource Development Office (HRDO) sa pagpangulo ni Henry Tomalabcad mga matod pa niini nga ang ihap sa mga pasidungan nga mga regular employees kay takdo sa tuig kasumaran sa Adlaw para sa mga Trabahante diin magtimaan kini sa ika-123 nga katuigan diri sa Pilipinas.
Gani dul-an sa 300 ang kinatibuk-an maila sa maong adlaw diin ang nahabiling 160 ka mga trabahante kay nagikan sa mga rank-and-file positions gikan sa mga nagkadaiyang Barangay sa syudad.
Gitanyag kini nga “Kakugi Awards” nga ginasaulog matag tuig sa kagamhanang dakbayan isip pagpasidungog sa mga regular ug casula nga empleyado nga hilabihan ang natampong kakugi sa pagpadagan sa City Hall.
Ang umaabot nga edisyon sa Labor Day karong tuiga kay adunay temang gihuptan nga “Pabahay, Bilihing Abot Presyo, Benepisyo ng Matatag na Trabaho para sa Mangagawang Pilipino”.
Dugang pa nga 2 ka mga empleyado matag departamento ug opisina sa Cebu City Hall ang pwedeng ma-nominate sa ilang mga Department Heads samtang mga Kapitan sa mga Barangay ang mu-nominate sa mga trabahante niini nga susihon sa HRDO.
