CEBU CITY-Magtigi ang 14 ka mga contingents sa Sinulog Grand Parade ug Grand Ritual Showdown nga ipahigayon sa South Road Properties karong Dominggo, Enero 21, 2024.
Mao kini ang gibutyag ni Cebu City Mayor Michael Rama nga sa kinatibuk-ang gidaghanon sa mga nagtigi nga mga contingents, duha niini ang gikan sa gawas sa Sugbo.
Ug mao ang lungsod sa Canlaon sa Negros Oriental ug sa San Jose sa Dinagat Islands.
Ingon man nga ang 12 ka mga contingents mao kadtong mga barangay sa dakbayan sa Sugbo nga miapil sa Sinulog Sa Dakbayan niadtong Sabado, Enero 13 sa Cebu City Sports Center.
Gidugang usab ni Rama nga walay contingent nga gikan sa mga lungsod ug siyudad ubos sa Probinsiya sa Sugbo nga nagpakita og interest nga mosalmot sa dakong kalihukan sa SRP.
