Kini ang gipahibalo ni Cebu City Mayor Nestor Archival, sa gipahigayong media pressconference niadtong Lunes, Disyembre 01, nga matud pa madayon ra gihapon ang pagpanghatag sa mga nagkadaiyang year-end bunos, alang sa mga regular ug casual employees.
Kini taliwala sa mga panghitabo sa Sugbo, nga grabeng nakasinati og kalisod gumikan sa sunod-sunod nga mga katalagman hilabi na nga nakasinati og grabeng pagbaha ang pipila ka mga lugar sa dakbayan.
Dugang usab niini, makadawat usab og tag 5,000 ang matag Job Order employees sa kagamhanan nga kaniadto wala niini.
Samtang sa pikas bahin, gibutyag ni Archival nga ang katong mga empleyado nga wala pa nakadawat sa mga uniforms nga gisaad sa nakalabayng administrasyon,plano nga iuli sa kagamhanan ang ilang kwarta, lakip na sa mga wala ma renew nga mga empleyado.
Giklaro usab niini nga pagpamalit sa maong uniforms dili pa ubos sa iyang liderato.
