CEBU CITY – Daku ang pagtu-u sa 16 anyus nga anak ni PAF Sgt. Mark Herbert Oberes nga aduna pa’y mas lawum nga hinungdan sa kamatayun sa iyahang amahan ug dili lang gumikan sa giingung 50,000 ka pesos nga utang.
Gibutyag sa maong menor de edad nga bu-utan ang iyahang amahan ug maayu silang pagkadaku niini.
Emosyunal usab kining misiguru nga isip kamagwangang anak ni Sgt Oberes hayan padayun siya nga magmalig-un alang sa iyahang manghud, inahan ingun man sa iyahang Lolo ug Lola.
Samtang sa habig usab sa asawa ni Sgt Oberes nga si Diana Oberes, matud pa nga padayun nila nga gisinggit ang hustisya sa kamatayun sa iyahang bana.
Gibarugan niini nga dili gayud niya madawat ang pasaylo sa duha ka mga suspetsadu nga una nang nasikup ug dili usab kini mutugut nga himu-un ang duha ug state witness.
Nanghina-ut lang kini nga madakpan na ang tanang suspetsadu ug mapahamtangan kini ug tukmang silot.
