CARCAR CITY-Gitanggong sa custodial facility sa Carcar City Police Station ang nasikop nga usa ka bank supervisor ug usa ka account officer human kini giingong nanglugos sa usa ka 17-anyos nga batang babaye gawas sa ilang trabahoan sa Bolinawan, Carcar City, Cebu, gahapong adlawa, Marso 1, 2024.
Giakusahan ang duha nga nanglugos sa uyab sa ilang kauban sa trabaho samtang naghulat kini duol sa bangko.
Giila ang mga suspek nga sila si Prestine Jay Tampus Arong, 28-anyos ug Chandie Deza Canadalla, 24-anyos.
Base sa report sa kapolisan, nga ang duha ka mga lalaki nasikop sa gipahigayon nga hot pursuit operation batok kanila human nga midangop sa buhatan sa kapulisan ang biktima uban ang iyang uyab.
Dugang pa nga migawas ang duha ka suspek nga hubog ug human nga gibuhat ang maong krimen gibiyaan dayon ang maong biktima.
Ingon man nga dali nga milusad og hot-pursuit operation ang sakop sa Carcar City Police Station ug nasikop ang duha sa ilang mga balay.
Kasamtangang nagpaabot na sa resulta sa medical examination ug ingon man nga gipaubos usab sa psychological evaluation ang menor de edad diin usa sa mga protocol sa mga mabiktima sa pagpanglugos.
Subay niini, gipahimangnoan ang mga menor de edad ni Police Lieutenant Colonel Bryan ‘O Neil Salvacion, ang hepe sa Carcar City Police Station a tumanon ang
ordinansa sa dakbayan nga nagdili sa mga batan-on sa pag-gawas sa ilang panimalay sugod alas 10:00 sa gabii.
