Salmotan sa 17 ka mga contingents gikan sa mga nagkadaiyang tunghaan ug barangay ang kompetisyon sa Sinulog sa Dakbayan 2026.
Gihikay ang maong kalihukan sa Kagamhanang Dakbayan sa Sugbo ug sa Sinulog Foundation Inc. nga ipahigayon sa umaabot Sabado, Enero 10 ngadto sa Cebu City Sports Center (CCSC) diin kabahin kini sa tinuig nga aktibidad sa Sinulog Festival.
Ang 17 ka mga official contigents sa Sinulog sa Dakbayan kay magrepresentar sa ilang iya-iyang mga mabilihong identidad sa ilang dapit ug kasaysayan ug ingon man ang debosyon pinaagi sa musika, pasundayag sa sayaw ug istorya.
Ang mga contingents kay mao ang musunod:
Banauan Cultural Group sa Barangay Guadalupe;
Tribo Maampoong Baniladnon sa Barangay Banilad;
Tribu Kinaiyahan sa Barangay Santo Niño;
Pundok Luzinians sa Barrio Luz;
Sinag San Roqueño Performing Arts sa Barangay San Roque;
Aktivong Binaliwhanon sa Barangay Binaliw;
Inayawan Talents Guild Cultural Dance Troupe sa Barangay Inayawan;
Bag-ong Tribu Kasambagan sa Barangay Kasambagan;
Tugbok Tejero Kultura Ensemble sa Barangay Tejero;
Banay San Nicolasnon sa Barangay San Nicolas Proper;
Tribu Bulaknon sa Barangay Babag;
Barrio Basak Pardo sa Barangay Basak Pardo;
Hugpong Mananayaw ng Bayan sa the University of the Philippines Cebu;
Barangay Basak San Nicolas;
Lambo Mabolo sa Barangay Mabolo;
Banay Labangon sa Barangay Labangon;
ug Banay Talamban sa Barangay Talamban.
Gani sa eksklusibong pakighinabi sa Bombo Radyo Cebu News Team kang Jojo Labella, ang Executive Director sa Sinulog Foundation Inc. nga naglatid kini sa mga kalihukan sa umaabot Enero 10 diin pagasugdan sa Brass Band Competition dayon ang Sinulog sa Dakbayan.
