Duha ka manglahing insidente sa sunog ang mitumaw sa dakbayan sa Sugbo niadtong Lunes Santo, Marso 30, 2026.
Ang unang insidente kay natala sa Sitio Bagumbayan, Barangay Tinago nga miugdaw sa mga panimalay sa maong dapit pasado alas 2:49 sa kahapunon sumala pa sa Bureau of Fire Protection (BFP) – Cebu City Fire Station.
Apan, wala pa gani matapos ang paningkamot nga mapawng ang maong sunog kay nataho ang laing insidente pasado alas-2:51 sa samang kahapunon duol sa tanyag nga mall sa Jai-Alai area sa Barangay Mambaling. Maayo nalang nga usa lang kini ka rubbish fire kun sunog sa basura.
Saysay sa report gikan sa Parian Substation sa BFP Cebu City sa sunog sa Tinago nga sa ilang inisyal nga kasayuran kay adunay 16 ka mga panimalay ang gilamoy sa kalayo diin 14 diin ang totally burned samtang duha ang partially damaged.
Sa kinatibuk-an, adunay 25 ka pamilya kun 75 ka mga indibidwal ang apektado sa katalagman sa sunog. Gibana-banang muabot sa P1.35-milyones.
Maayo nalang og walay natalang nasamdam o namatay sa maong insidente. Kasamtangang nagpadayon pa ang imbestigasyon sa kabumberohan aron matino ang hinungdan sa sunog.
