Nakaangkon og samad ang duha ka mananagat nga Pinoy human mibuto ang makina sa ilang fishing boat duol sa Bajo de Masinloc sa Scarborough Shoal kagahapon, Sabado, Hunyo 29, 2024.
Mao kini ang gitaho sa Philippine Coast Guard (PCG).
Basi sa mga hulagway nga gi-share sa PCG, klarong makita ang naguba nga motor banca.
Ingon man nga adunay nakit-an nga duha ka barko sa Chinese Coast Guard sa maong lugar.
Matod sa PCG, gisuwayan pa sa China Coast nga babagan ang ilang rescue operations bisan pa nga gisultihan sila nga nag-atubang sila sa mga emergency situations.
Asoy ni PCG Spokesperson Rear Admiral Armand Balilio nga basi sa pamahayag sa kapitan sa BRP Sindangan (MRRV-4407), depektoso nga battery starter motor ang hinungdan sa pagbuto.
Human ma-rescue, gidala dayon sa mga personnel sa PCG ang mga mananagat sa Subic Bay.
