CEBU CITY-Sikop ang 2 ka sakop sa Cebu City Traffic Operations Management (Citom) atol sa buybust operation sa may P&T-Zapanta St. Brgy Tejero niining dakbayan.
Giila ang mga nasikop nga si Reynaldo Alegado Jr. 29 anyos kinsang maoy subject sa operasyon.Samtang lakip nga nasikop ang 2 ka mga Citom traffic aid 1 personnel nga sila si Ervic Navarro ug Francis Abe Mordeno ug sikop usab ang lain pa nga si Mark Alcos Minoza.
Basi sa imbestigasyon, nakadawat og impormasyon ang Waterfront Police Station kalabot sa iligal nga aktibidad sa subject ug sa mga cohort niini nga mga sakop sa citom hinungdan nga ila kining gipa-ubos sa surveillance.
Nasuta nga ang tinubdan sa shabu mao ang traffic aid 1 nga si Navarro ug dowline niini ang subject.
Nakuha sa ilang mga posesyon ang 3 ka medium size pack nga shabu,13 ka mga gagmay pakete sa shabu ug mga drug parapahernalia.
Padayon pa nga gisuta ang kantidad sa mga shabu nga nasakmit.
