2 patay, tulo ang nawala sa dihang miulbo ang sunog sa Italian fuel depot

ITALY-Patay ang duha ka tawo samtang anaa sa 3 ang gikatahong nawala tungod sa miulbong sunog sa usa ka fuel depot nga gipadagan sa Italian energy company Eni sa Florence.

Mao kini ang gikumpirmar sa tigpamaba sa Florence prefecture diin gawas sa mga ihap nga natala kay adunay siyam ka mga indibidwal ang gidala sa tambalanan human nakaangkon og samad.

Sa usa ka pahayag, ang Eni miingon nga ang sunog anaa ra sa loading shelter area ug wala pa nakaabot sa bisan unsang fuel tank.

Matud ni Eugenio Giani, ang president sa kompanya nga bisan paman nga dali nga napugngan ang sunog, apan wala kini nakaluwas sa duha ka tawo nga namatay sa insidente.

Sa pagkakaron, padayon pa ang imbestigasyon sa hinungdan sa sunog.