Mas agresibo ang kamara karong 20th congress sa pag-abante sa mga balaod nga may kalabotan sa suholan ug presyo sa lana ug maseguro ang koordinasyon ug aksiyon aron maduso dayon ang mga importanteng balaudnon.
Matod ni Tingog party-list Representative Jude Acidre, wala gidalidali ang mga importanteng balaudnon tungod kay adunay daghang sektor nga kinahanglang konsultahon.
Reaksyon ni Acidre sa panawagan nga hatagan og prayoridad ang paghimo dayon og mga balaudnon nga duol sa tiyan.
Hinungdan nga ning ika-20 nga kongreso, nanawagan kini nga isulong ang pagbasura sa oil deregulation law tungod sa padayong pagsaka sa presyo sa mga produktong petrolyo.
Samtang sa isyu sa usbaw sa suholan, gisaway ang hinay nga aksiyon sa kamara sa isyu sa gibalaod nga usbaw sa suholan hinungdan nga wala kini mapasar sa wala pa ang sine die adjournment sa 19th congress.
