Labing menos 21 ka mga tawo ang namatay human ang kusog nga mga buhawi miguba sa Missouri ug Kentucky, nagbilin sa kaylap nga kadaot, nagbutang sa kahimtang sa emerhensya, ug power-out sa gatusan ka libo sa tibuuk nga Estados Unidos.
Kini nga insidente gikumpirma ni Kentucky Gobernador Andy Beshear, kaniadtong Sabado, Mayo 17, nga aduna nay 14 ka mga tawo ang namatay nga sakop sa iyang estado, ug nagpasidaan usab ang Gobernador nga mahimong motaas ang gidaghanon samtang nagpadayon ang mga operasyon sa pagluwas.
Subay niana, nideklarar ang Gobernador og state of emergency sa wala pa ang bagyo ug niingon nga nagplano siya nga mobisita usab sa siyudad sa London, Kentucky, aron masusi ang kadaot nga nahatag sa maong buhawi.
Samtang aduna nay lima ka mga lalawigan sa maong dapit ang nagpagula ug mga deklarasyon sa emerhensya.
Saa pikas bahin, sa Missouri, ang bagyo nipatay usab sa pito ka mga indibidwal, lakip ang lima sa St. Louis area ug duha sa habagatan-sidlakang Scott County.
Kapin sa 700,000 ka mga balay ug negosyo sa 12 ka estado ang nawad-an og kuryente, uban sa Missouri ug Kentucky nga usa sa pinakalisud nga naigo.(Bombo Irene Ardiente)
