Nakabsan gayud sa kinabihi ang 24-anyos nga babaye kinsang gipusil niadtong Abril 14 samtang ga-angkas og motorsiklo sa Barangay Luz ning dakbayan sa Sugbo.
Giila ang biktima nga si Frince Ordeñiza, usa ka store head sa dakong hotel ng nahimutang sa South Road Properties.
Sa inisyal nga imbestigasyon sa Cebu City Police Office sa
Mabolo Police Station, kay ang maong biktima gikatahong naggamit sa iyang cellphone samtang sakay sa motorsiklo apan kalit lang nga nibutho ang laing nagmotor diin sakay ang suspetsado og nanion kini og armas ug miingon nga tulis.
Apan, sa nakuhang CCTV sa lugar kay giingong walay nahitabong ilugay sa butang sa biktima.
Hinungdan nga gipaambit ni Police Col. Maria Theresa Macatangay, ang tigpamaba sa CCPO nga gawas sa unang Robbery Homicide case kay gisubay sa kapulisan ang uban pang posibleng motibo sa maong pagpamusil.
Diin lakip na niini ang iyang relasyon o kaha sa iyang gitabahaon kon aduna bay mga nasuko sa biktima.
Sa pagkakaron, aduna na’y person-of-interest ang kapulisan ug pinaagi sa ilang giumol nga dakong team aron matumbok ang responsabli sa maong krimen.
