CHINA-Gipili sa usa ka 24-anyos nga lalaki sa China ang mopuyo sa kabukiran ug lima ka buwan human nga napakyas sa gugma apan miresulta kini sa kahibulong gumikan kay kalit siyang nitigulang.
Tungod niini, gitawag siya ug ‘Tiyo’ sa mga tawo kay gatuo sila nga anaa na siya sa 40 anyos nga pangidaron.
Matod pa ni Tiyo, naladlad siya pag-ayo sa adlaw maong naapektuhan ang iyang panit.
Gawas niini, nitaas usab ang iyang balahibo ug makita ang mga kunot sa iyang mata.
Iyang giinsister nga bata pa siya ug isip pruweba iyang gipakita ang iyang ID diin makita nga siya natawo niadtong December 2000.
Usa siya ka seaman kaniadto ug nagtrabaho sa usa ka barkong pangkargamento nga nagbiyahe sa Southeast Asia.
Giasaysay ni ‘Tiyo’, nga sa dihang nagbulag sila sa iyang uyab, nakahukom siya nga magpuyo sa bukid ug magpalayo sa sibilisasyon aron mabuntog ang iyang gibati nga depresyon.
Adunay misulti kaniya nga ang hiking activity sa Qinghai-Tibetan Plateau sa China makapakalma sa hunahuna sa usa ka tawo.
Sa laing bahin, miinsister si Tiyo nga dili niya ibaylo sa bisan unsang butang ang kalinaw sa kinabuhi, bisan ang pagka-bata.
