LILOAN, CEBU-Nadakpan pagbalik sa mga kapulisan sa lungsod sa Liloan sa amihanang bahin sa Sugbo ang 3-ka mga bata nga naka-eskapo sa Peoples Recovery, Empowerment and Development Assistance (PREDA) nga programa sa mga awtoridad alang sa mga Children in Conflict with the Law (CICL).
Kini ang gipahibaw ni Police Major Eric Gingoyon, ang hepe sa Liloan Municipal Police Station sa pakighinabi niini sa Bombo Newsteam nga ang usa sa giingong tulo-ka mga bata kay naabtan sa ilang panimalay niadtong Biyernes alas 12 sa kadlawn Hulyo 5 samtang ang laing duha kay gi-turnover sa ilang mga ginikanan.
Kahinumduman nga ming eskapo ang maong tulo-ka mga bata nga mga CICL niadtong alas 6 sa buntag sa adlaw sa Miyerkules Hulyo 3, 2024.
Nag-atubang og mga kasong pagpanglugos ug kalambigitan sa illegal nga drugas ang maong mga bata.
Nipatin-aw sab ang mga gipadumala sa PREDA sa ilang kakuwang ilang seguridad sa ilang pasilidad mahitungod sa kanipis sa ilang personahe ng amga social workers.
Kini nahimong rason nga sa panghitabo sa eskapo og dali dayong nagpatabang sa kapulisan sa naasoy sa lungsod.
Nasayran nga dili kini ang unang higayon sa pag-eskapo sa nahisgutan nga mga binatilyo sa maong pasilidad.
Nipahibaw pag-usab ang kapulisan sa Liloan Police Station nga padayon ra gihapon kini sa ilang lakang sa imbestigasyon kalabot sa maong insidente.
