Sikop sa mga sakop sa kapulisan sa dakbayan sa Toledo sa kasadpang Sugbo ang tulo ka mga indibidwal nga gituohang nalambigit sa “human trafficking” niadtong adlawng Sabado, Septiyembre 27, 2025.
Duha ka managlahing operasyon ang gilusad sa Toledo City Police Station diin nadakpan ang usa ka suspetsado sulod sa KTV bar sa Sitio Sta. Ana, Barangay Poblacion sa samang dakbayan samtang ang laing duha kay sulod sa usa ka lodging house sa Barangay Luray 2.
Sumala pa nga mitanyag ang mga suspetsado ngadto sa tulo ka babaye lakip na ang duha ka menor de edad alang sa ginadiling serbisyong panglawas nga nagkantidad sa tag-P2,000 matag transaksyon.
Matod pa sa mga kapulisan nga ang ilang operasyon kay nahisubay sa agenda sa probinsya nga hiposon tanang kalihukang illegal ilabi batok sa mga kababayen-an ug kabatan-onan.
Sa pagkakaron, ang mga dinakpan kay temporaryong gibutang sa kustodiya sa Toledo City Police Station samtang gihikay ang kasong atubangon niini nga ang RA 10364 o ang Expanded Anti-Trafficking in Persons Act.
