3 ka tawo patay sa airstrike sa Russia sa Ukraine

Patay ang tulo ka indibidwal sa usa ka airstrike sa Russia sa Ukraine.

Usa ka bata ang lakip sa mga namatay duol sa kaulohan nga Kyiv.

Ang pag-atake nahitabo pipila lang ka adlaw human sa usa ka pag-atake nga nakapatay og 21 ka tawo.

Daghang mga building ang nadaot usab, lakip ang mga sakyanan nga giparking duol sa mga building.

Ang Presidente sa Ukraine nga si Volodymyr Zelensky anaa sa Belgrade, Serbia, sa dihang nahitabo ang pag-atake.

Gikatakda unta siyang makigkita kang Serbian President Aleksandar Vučić aron hisgutan ang ekonomiya, mga isyu sa seguridad ug ang European Union.