CEBU CITY – Nagpadayon sa ikaduhang adlaw ang laing hugna sa national vaccination drive isip paningkamot sa gobyerno nga makab-ot ang herd immunity ug maprotektahan ang katawhan.
Matod pa ni Dr. Jeffrey Ibones, ang officer sa City Health Department, nag-abli ang ilahang mga ginsakopan og 36 ka vaccination sites sa dakbayan sa Sugbo lakip na niini ang mga fix vaccination sites sa nagkadaiyang mall ug complex.
Subay niiini, gi-angkon ni Dr. Jeffrey Ibones, ang officer sa City Health Department, nga minus nalang ang mga mobisita sa matag vaccination sites bisan paman sa kadaghan pa sa mga Sugboanon ang wala pa mabakunahan.
Butang, nga ni-awhag ang doctor sa publiko sa pagpabakuna na ilabi na kadtong wala pa makadawat bisag usa ka ka dosse ug kadtong mga indibidwal nga wala pa makapabooster shot.
Gibutyag usab ni Ibones, nga hapit na makab-ot sa dakbayan ang herd immmunity kung ilakip sa maong ihap ang mga nabakunahan sa Johnson & Johnson vaccine gumikan usa ang kini ka dose.
Saysay niini, nga mokabat na sa kapin 690,000 ka indibidwal ang naturokan na sa first dose, 650,000 ang fully vaccinated na.
Sa kinatibuk-an, mokabat na sa 830,000 sa mga Sugboanon ang nabakunahan kung lakip ang mga J&J vaccinated nga mga indibidwal.
