Cebu City-Muabot sa kapin 36 milyones ka pesos worth of shabu ang nasakmit sa Cebu City Police Office atol sa gipahigayong buybust operation sa may Urgello St. Brgy. Sambag 2 dakbayan sa Sugbo.
Arestado ang 4 ka mga subject nga giilang sila Michael Carabaña, alyas Mike, 28 anyos,Arnold Arquiza, Jemuel Enrile, ug Agustin Quijano.
Matud ni PSI Dexter Basirgo ang hepe sa Guadalupe PS nga usa ka semana nila nga gisurveillance ang mga subject ug sa dihang maconfirm, ila dayon kining gipahigayonan og buybust operation.
Subay niini, nagkanayon si Cebu City Police Office Director PSSupt. Royina Garma nga sa maoy nangulo sainterrogation nga wala mikanta ang mga nasikop kung diin gikan ug kung kinsa ang tinubdan sa mga nakuhang shabu nga may dunay gibug-aton nga 3 kilos.
Apan nadiskubre nga sa mga apartment sa mga nasikop giingong gihagbong ang mga iligal nga drogas hinungdan nga nanawagan si Garma sa mga baranggay kapitan sa dakbayan sa Sugbo nga mag-umol og ordinasa para e-regulate ang pagpa-abang og mga boarding houses. Mas maayo matud pa nga pangayu-an og police clearance sa mga boarding house owners ang kung si kina man ang gusto nga mu-abang sa ilang balay.
Gisiguro usab ni Garma nga ilang paningkamotan na himoon nila ang tanan para mahunong na ang market sa shabu sa Cebu ilabina nga taas na ang demand niini karon. Lantawon usab nila karon kung sa Manila ba gihapon gikan ang ilang nakumpiskar nga shabu.
