Gikatahong upat ka mga indibidwal ang naangol human gitay-og sa magnitude 5.1 nga linog sa Lungsod sa Bogo gahapon sa hapon, Abril 6, 2026.
Kini ang gikumpirmar ni Carlo Logarta, City Planning Officer sa Bogo City.
Diin matud niini nga adunay nasamdan sa bildo sa tindahan, dunay naglakaw nga nakuyapan, duna say estudyante nga nawad-an og panimuot.
Ingon man nga ila pang giberipeka ang nadawat nga taho nga adunay tawo nga giingong nahulog gikan sa kahoy o hagdan atol sa insidente.
Apan, gawas niana, walay dako o dakong kadaot sa imprastraktura nga gipahinabo sa linog nga natala sa siyudad.
Mipagawas usab og pamahayag si acting governor Vice Governor Glenn Anthony Soco nga human sa makagun-ob nga pagtay-og sa linog, ang ilang gituutkan karon ang trauma niini sa katawhan.
Ingon man gihupay niini ang kabalaka sa mga Sugboanon ug midasig nga magpadayon sa kinabuhi ug mag-ampo.
