CEBU CITY-Mag-atubang og tukmang kaso ang upat (4) ka mga municipal councilors ug tulo (3) ka mga barangay kapitan kinsang nadakpan human mi-apil sa tigbakay sa lungsod sa Daanbantayan, Cebu.
Kahinumduman nga nadakpan ang 41 ka mga lalaki, lakip na ang mga opisyal human naabtan sa kapulisan nga nagtibakay sa may Brgy. Bitoon sa nahisgutang lungsod.
Gila ang mga nadakpa’ng mga municipal councilors nga sila si Bernardito Luche sa Daanbantayan, Buena Pontillas sa Tuburan, Moman Rivera, ug Abdon Cabahug nga parehong taga-Borbon.
Samtang kasuhan usab ang mga kapitan nga silang Narciso Osable sa Brgy. Maharuhay, Medellin; Arnold Arcipe sa Brgy. Dayhagon, Medellin; ug Rodelo Diamante sa Brgy. Colonia, Tuburan.
Nagkanayon si Police Regional Office (PRO-7) Director Brig. Gen. Albert Ferro nga gawas sa kasong kriminal, ug illegal gambling, mag-atubang usab sila og kasong administratiba sa Department of Interior and Local Government (DILG). Gihimug-atan ni Ferro nga magpabiling maayong ehemplo sa komunidad ang mga opisyal ning panahon sa pandemya.
Mipahinumdom usab kini sa publiko nga musunod sa mga lagda sama na lang sa paglikay sa mass gathering aron kalikayan ang pagkuyanap sa COVID-19. | GN
