CEBU CITY- Gidunggab-patay ang 41-anyos nga lalaki sa Sitio Ocban Brgy. Buhisan ning dakbayan sa Sugbo, Nobyembre 29, 2024.
Giila ang biktima nga si Alberto Ebrada residente sa naasoy nga lugar ug gidunggab sa makadaghan higayon sa iyang silingan tungod sa panaglalis sa basura.
Sa pakighinabi sa Bombo Radyo Cebu sa anak sa biktima nga 17-anyos nga dili lang kini ang unang higayon nga naglalis ang amahan niya ug ang suspek tungod kay nagsugod kini sa dihang nasuko ang biktima sa dihang gibanghagan ug gibastos sa suspek ang iyang duha ka anak.
Samtang, nagbakho nga gisaysay sa 17-anyos nga sa dihang gidunggab na sa biktima ang iyang amahan kay niluhod ug nihangyo pa kini nga dili patyon ang iyang amahan apan wala kini dungga, gani sa dihang nahuman na kini sa paghimo sa krimen, kay nagkatawa pa ug nakahimo pa sa pagbye-bye.
Sa pagakakaron, gidala na sa Police Stataion 10 ang suspek.
