CENTRAL VISAYAS-Nasikop ang 43-anyos nga lalaki, kinsang nalakip sa target-listed drug personality nga nakuhaan og kapin sa P700,000 nga kantidad sa gituohang shabu atol sa buy-bust operation sa mga sakop sa Philippine Drug Enforcement Agency Bohol Provincial Office uban sa Bohol Maritime Police station sa Purok 3, Barangay Aliguay, Maribojoc probinsya sa Bohol.
Giila sa Philippine Drug Enforcement Agency in Central Visayas ang suspetsado nga si Godfrey Tare, 43-anyos, taga lungsod sa Loay nga giingong naninda og ilegal nga drugas sa maong dapit.
Nasayran nga milungtad og duha ka buwan ang gipahigayon nga case build up, usa nadakpan si Tare.
Matud pa ni Leia Alcantara, ang tigpamaba sa PDEA-7, nga sa ilang pagmonitor kang Tare mamahimo kining maka-dispose og 100 gramos nga drugas matag semana.
Sa pagkakaron, anaa na sa kustodiya sa mga otoridad ang nadakpan samtang nagpaabot kini iyang kaso nga gihikay na tukmang silot alang kaniya.
