Labing menos 45 ka mga Indian pilgrims ang namatay human masunog ang ilang bus nga gisakyan.
Nahitabo ang insidente samtang duol sila sa Medina sa Saudi Arabia, diin adunay kinatibuk-an nga 46 ka mga pasahero sa bus, ug usa ka biktima ang gidala dayon sa intensive care unit.
Kadaghanan sa mga biktima nagpuyo sa Hyderabad sa habagatang estado sa Telangana.
Dugang niini, ang mga Indian pilgrims gikan sa Mecca ug padulong na sa Medina sa dihang nahitabo ang aksidente.
Gikan sila sa Saudi Arabia alang sa Umrah pilgrimage, usa ka mas mubo nga bersyon sa Hajj, ang pinakadako nga Islamic pilgrimage.
Samtang ang Punong Ministro sa India nga si Narendra Modi, nipagawas pahayag sa iyang pahasubo sa mga biktima sa maong insidente, ug ang mga awtoridad nagpadayon sa pag-imbestiga sa naasoyng insidente.
