CENTRAL VISAYAS-Nakasinati ang Central Visayas og pagkunhod sa krimen ngadto sa 46.07 porsiyento atol sa 9 ka adlaw sa novena mass, nga mugna sa proactive anti-criminality measures ug makugihong imbestigasyon.
Mao kini ang gipaambit sa Police Regional Office 7 basi sa ilang taho.
Sumala sa Crime Information, Reporting and Analysis System (CIRAS), ang istatistika sa krimen sa Central Visayas gikan sa Disyembre 16 hangtod 24, 2024, kay nagpakita og dakong pag-us-os sa 8 ka focus nga krimen gikan sa 89 ka kaso sa miaging tuig ngadto sa 48 ka kaso karong tuiga, nga miresulta sa 46.07 porsyento nga pagkunhod.
Diin ang tanan nga focus sa krimen nakakita sa pagkunhod sa niining panahona, gawas sa motorcycle carnapping, nga nagpabilin nga wala mausab.
Dugang pa, nga wala’y mga insidente sa carnapping nga MV nga gitaho niining panahona.
Samtang, ang crime clearance rate natala sa 92.49 porsyento, ug ang crime solution rate anaa sa 89.59 porsyento.
Matud ni PBGEN ROY B PARENA, ang Officer-In-Command sa PRO7 nga ang estratehikong pagpahimutang sa mga personahe sa PRO7 sa mga crowded area, mga checkpoint sa dagkong mga rota, dugang presensya sa kapolisan sa mga busy nga mga dapit, ug ang nagpadayon nga kampanya batok sa krimen kay dakong nakatampo sa talagsaong pagkunhod sa mga krimen.
Ingon man nga tungod usab sa mga paningkamot, inubanan sa pasalig sa mga imbestigador sa pagsiguro nga ang angay nga mga kaso isumiter sa Opisina sa Prosecutor o ipresentar sa angay nga Korte, kay makapauswag sa mga inisyatibo batok sa kriminalidad sa PRO7.
