Gikatakdang mupatuman og umento sa buhis sa pamatigayon ang Kagamhanang Dakbayan sa Mandaue sa umaabot tuig 2026.
Kini ang gikabutyag ni Atty. Lizer Malate, ang pangu sa Business Permits and Licensing Office sa Mandaue City government diin ilang gipahibalo ang 5% nga umento sa business tax rates, fees, ug charges nga gitugotan ubos sa lagda sa Local Government Code nga ang mga LGUs mamahimong makapaumento basta dili makalapas sa 10% matag lima ka tuig.
Sigon pa niini nga mas ubos na kini kaysa sa gikatakda nga 10% apan ila kining gibahin isip konsiderasyon subay sa pagtaas na pud sa presyo sa mga palaliton.
Ingon man ang ikaduhang sugyot sa umento kay sa tuig 2027 na aron ma kumpleto ang 10% increase sa buhis sa pamatigayon.
Gihimug-atan usab sa opistal nga makatabang ang pagpasaka sa buhis isip magsuplay og kita sa dakbayan nga dili rapud makapildi sa mga nangnegosyo sa syudad. | with reports by Bombo Nathaniel Sandoval
