Sa makalilisang nga makagun-ob nga gabii niadtong Hunyo 30, sa dihang mihapak ang ulan sa Siyathi village nga nahimutang sa India uban sa ubay-ubay pang mga baryo sa distrito, ang kalit nga pagbaha ug gisundan sa pagbuto sa panganod.
Sa 1,184 ka mga balay ang nadat-ugan, samtang 780 ka mga kahayupan ang nangamatay uban ang pipila ka mga lokal nga nangawala, 67 ka mga lumad ang milagrusong naluwas tungod sa usa ka itoy.
Gihinganlan kini nga si Rocky, lima ka bulan, anaa sa ikaduhang andana sa usa ka multi-story house sa dihang nakita ang katalagman hinungdan nga walay hunong kini sa pag-uwang.
Nakamata ang tag-iya ni rocky nga si Kumar ug nakapukaw sa 22 ka pamilya ug nakapabakwit sa luwas nga lugar, ingon man nga naanod usab sa tubig baha si Rocky apan nakit-an ra dayon kini- sunod adlaw.
Dako og pasalamat ang komunidad nga nahimong guardian angel si Rocky kanila ug tungod sa uwang sa itoy nabuhi ug nakaikyas sila sa kamatayon.
Ingon man nga tungod niini, giuwan og pagdayeg si Rocky gikan sa mga reaksyon sa social media platform.
