CENTRAL VISAYAS-Anaa sa Lima ka porsyento sa mga babaye sa Central Visayas ang nakasinati og teenage pregnancy, matod sa opisyal sa Philippine Statistics Authority (PSA)-7.
Kini usa ka ‘alarming’, gumikan kay anaa na sa 11,686 ka kaso sa teenage pregnancy ang natala sa pito ka highly urbanized nga mga siyudad ug probinsiya sa Central Visayas niadtong 2022, usa ka 7.4 porsyento nga pagsaka gikan sa miaging tuig.
Kung diin sa 2021, anaa sa 10,881 ka mga kaso ang natala.
Sa pakighinabi sa Bombo-Newteam kang Darlyn Remolino, Asst. Regional Director, sa Comission on Population (CPD-7), nga ang datos kinahanglan nga hatagan ug aksyon kana gumikan kay bisan gamay ra ang pagtaas, kini nakapaalarma.
Sa kinatibuk-ang ihap, ang Central Visayas nitala og 11,445 ka kaso sa sayo nga pagmabdos sa mga babaye nga nag-edad og 15 ngadto sa 19 anyos, samtang 241 ka kaso sa mga ubos sa 15 anyos.
Samtang, niadtong 2021, ang rehiyon nakatala og 10,717 ka mga kaso ug 164 ka mga kaso sa duha ka kategorya, matag usa.
Sa tuig 2022, ang Probinsiya sa Sugbo adunay labing taas nga kaso sa teenage pregnancy sa rehiyon, human nakatala og 5,106 ka kaso, gisundan sa Negros Oriental nga adunay 2,364 ka kaso; Bohol, 1,625 ka kaso; ug Cebu City, 1,504. Ang dakbayan sa Lapu-Lapu nitala og 586 ka teenage pregnancies, Mandaue City, 475 ka kaso; ug Siguijor, 116 ka mga kaso./
Hiungdan nga nanawagan sila alang sa pagtinabangay sama sa paningkamot sa mga ahensya sa gobyerno, mga organisasyon sa katilingbang sibil, ug mga komunidad aron matubag ang komplikado nga pagdugtong sa mga hinungdan nga nagduso sa rate sa pagmabdos sa mga tin-edyer ug aron ipatuman ang mga estratehiya nga gitumong sa pagpauswag sa kahimsog, kaluwasan, ug kaayohan sa mga batan-ong babaye.
