DELHI, INDIA-Gisimba karon sa mga taga Delhi, India ang usa ka 6 anyos nga batang lalaki gumikan kay kini dunay ikog ug giisip nga usa ka “Monkey God”.
Giila ang bata nga si Shivam Kumar.
Sigon pa nga nagtoo ang silingan ni Kumar nga siya balaan gumikan sa buhok nga mitubo sa iyang likod dapit na sa sampot .Ug gumikan niini, ilang ligoon ang maong bata og mga tsokolate ug mga snacks. Samtang ang uban,dad-an kini og mga buwak human gitoohan nga siya ang reincarnation sa Hanuman, usa ka gamhanang monkey deity alang sa Hindus.
Apan gumikan niini, gitago na si Kumar sa iyang ginikanan tungod sa grabeg atensyon nga nakuha niini.
Sigon pa usab sa ginikanan ni Shivam nga nakugang usab sila sa dihang makita ang talagsao’ng buhok niini nga daw sama usa na ka ikog.
Nagdumili usab ang pamilya nga tangtangon kini gumikan kay nagtoo kinil sila nga maghatag kini og malas kung ilang pasipad-an.
