Nitumaw ang mga taho nga wala giaprobahan sa International Criminal Court (ICC) ang personal nga pagbisita kang kanhi Presidente Rodrigo Duterte atol sa upat ka adlaw nga pre-trial nga “confirmation of charges” hearings nga magsugod karong adlwa, Pebrero 23.
Subay niini, niluwat usab og pamahayag ang Pamilyang Duterte nga taliwala sa dili pagtugot sa personal nga pagbisita, mamahimo ra sila nga magkigkomunikar pamaagi sa tawag sa telepono.
Samtang, gikumpirmar usab nga adunay unom (6) ka mga abogado ang motambong sa Confirmation of Charges Hearing aron masiguro nga si Duterte mapresentar sa hustong paagi sa mga abogadong Pilipino. Kini naglakip nila ni Atty. Salvador Medialdea, Atty. Martin Delgra III, Atty. Silvestre Bello III, Atty. Alfredo Lim Jr., Atty. Caesar Dulay, Atty. Salvador Panelo.
Busa, eksklusibong gikuha sa Bombo Radyo Cebu Newsteam ang habig ni Atty. Remeses Victorious Villagonzalo, ang ICC accredited Lawyer, aron ipasabot kung unsa ang mamahimong papel sa unom ka mga abogado nga motambong sa hearing.
Gitino usab ni Atty. Villagonzalo nga gihatagan usab og katin-awan niya nga ang unom (6) ka mga abogado nga motambong sa Confirmation of Charges hearing makatabang kini pamaagi sa moral nga aspeto.
Iyang giklaro nga maka-abag kini sa moral nga aspeto tungod kay higala kining unom (6) ka mga indibiwal sa kanhi presidente. Ingun man nga utokan kining 6 nga motambong sa hearing, busa matuohon siya nga aduna kini mga input nga ihatag sa lead council nga si Nicolar Kaufman, bisan paman nga dili kini accredited council sa ICC ang 6 kabuok abogado.
Sa maong yugto, gipasalamatan sa pamilyang Duterte ang legal team sa kanhi Presidente sa ilang padayon nga serbisyo ingon man ang komunidad sa mga Pilipino sa The Hague, Netherlands nga nagsuporta ug nagpakabana kang Duterte.
