61-anyos nga German national, samdan human gitigbas sa Alcoy, Cebu

Nakaangkon og samad ang usa ka 61-anyos nga german national human kini gitigbas sa usa ka 64-anyos nga mag-uuma sa lungsod sa Alcoy, Cebu.

Gikatahong nagsugod ang kasungian sa duha tungod sa punoan sa saging.

Ingon man nga daling gitabangan ang langyaw sa mga lumulopyo ug sa mga otoridad sa naasoy nga lugar human kini nakit-an nga nagkadugo.

Samtang, sa habig sa suspek nga gisumbag kini sa biktima niadtong lunes sa buntag samtang nag-uma hinungdan nga iya kining natigbisan.

Nasayran nga aduna nay kasungian ang duha human nga gipa-barangay sa suspek ang maong langyaw gumikan kay gipangputol niini ang 18 ka punoan sa saging sa suspek samtang anaa kini sa impluwensya sa ilimnong makahubog.