CEBU CITY-Nadakpan na ang 59-anyos nga lalaki kinsang responsabli sa migulgol-patay sa 65-anyos nga senior citizen nga nahitabo sulod sa Central Command sakop sa barangay Apas ning dakbayan sa Sugbo niadtong Marso 7, 2024.
Giila ni Police Major Romeo Caacoy Jr., ang hepe sa Mabolo Police Station 4, Cebu City Police Office ang suspek nga manghud sa maong biktima ng susamang lumulopyo sa naasoy nga barangay.
Base sa imbistigasyon sa kapulisan nga adunay panagbangi nga nahitabo tali sa mag-igsuon kabahin sa relokasyon sa poste sa VECO nga nahimutang duol sa panimalay sa suspetsado ug hinungdan nga miresulta kini sa hilabihan nga away.
Ingon man nga misulod na sa balay ang biktima apan gisundan kini sa iyang manghud ug hugot nga gigunitan ug wala’y duhaduha nga gilaslas ang liog gamit ang ‘cleaver knife’ nga mao’y nikalas sa kinabuhi sa iyang maguwang.
Gani, dali nga gorespondihan kini sa sakop sa kapulisan ug dali nga nasikop ang suspetsado ug nakuha usab ang hinagiban nga gigamit sa krimen.
Kasong murder ang gi-atubang sa suspek ug anaa kini sa Mabolo Police Station 4 natanggong.
