CEBU CITY — Gihimug-atan ni Dr. Jeffrey Ibones, ang City Health Officer nga ang nag-unang rason sa pagkunhod sa ihap sa mga nataptan sa Covid-19 sa Dakbayan sa Sugbo mao ang pagsunod sa health and Safety protocols.
Matud ni Ibones nga dako og tabang sa pagminus sa Covid-19 cases ang padayon nga pag-obserbar sa publiko sa mga lagda batok sa Covid-19 ingun man ang padayon nga vaccination rollout sa Syudad sa Sugbo.
Samtang gibutyag niini nga kinahanglang adunay limitasyon ang matag usa subay na sa paglibkas sa liquor ban sa Dakbayan sa Sugbo.
Nagkanayon ang doktor nga kung mamahimo nga mu-inom nalang sulod sa panimalay ug di na muadto sa mga imnanan nga posibleng hinungdan sa pagkuyanap sa Covid-19.
Padayon kini nga nanawagan sa publiko nga musunod sa minimum health standards aron nga padayon usab nga mukunhod ang ihap sa Covid-19 sa Dakbayan sa Sugbo.// BRA, BEP
